O‘zbekiston Respublikasi Qishloq хo‘jаligi vаzirligi

Suhbat chog‘ida qishloq xo‘jaligi sohasida ayollar tadbirkorligini qo‘llab-quvvatlash, qishloq hududlaridagi xotin-qizlarni agrar ishlab chiqarishga keng jalb etish, ularning bandligini ta’minlash va daromadlarini oshirishga qaratilgan dolzarb masalalar muhokama qilindi.

Gulnora Mahmudova Sirdaryo, Namangan va Jizzax viloyatlarida ko‘kat yetishtirishga ixtisoslashgan ayollar kooperativlarini tashkil etish bo‘yicha amaliy takliflarini bildirdi. Mazkur tashabbus doirasida xotin-qizlarni o‘qitish, ularning yetishtirgan mahsulotlarini eksportga yo‘naltirish, savdo-logistika tizimini takomillashtirish hamda tashqi bozorlarga chiqish imkoniyatlarini kengaytirish rejalashtirilmoqda.

Vazir o'z navbatida, kabi kooperativlarni faqatgina ko‘kat yetishtirish bilan cheklab qolmasdan, balki ko‘chatchilik, gulchilik, qo‘ziqorin yetishtirish hamda boshqa qishloq xo‘jaligi yo‘nalishlarida ham rivojlantirish zarurligini ta’kidladi.

Bundan tashqari, vazir Qishloq xo‘jaligi vazirligi tomonidan kooperativlarga birlashgan tadbirkor ayollarga yuqori hosildorlikka ega sifatli sabzavot urug‘larini bepul taqdim etish, yetishtirilgan mahsulotlarni O‘simliklar karantini va himoyasi agentligi bilan hamkorlikda sertifikatlab, eksportga yo‘naltirish borasida zarur amaliy yordam ko‘rsatilishini ma’lum qildi.

Uchrashuv yakunida tomonlar o‘zaro manfaatli hamkorlikni yanada chuqurlashtirish, ayollar tadbirkorligini agrar sohada kengaytirish va ular uchun qulay ishbilarmonlik muhitini yaratish bo‘yicha kelishuvga erishdi.