O‘zbekiston Respublikasi Qishloq хo‘jаligi vаzirligi

Agar olma po‘stlog‘ining harorati 45°C darajadan oshsa, kuyishning aniq belgilari paydo bo‘ladi va bu holat ko‘pincha terimdan 2–3 oy oldin, tushdan keyingi soatlarda ro‘y beradi.

Bunday zararning oldini olish uchun, avvalo, daraxt shoxlarini to‘g‘ri parvarishlash kerak. Shoxlar hosil og‘irligini ko‘tara oladigan darajada bo‘lishi zarur, chunki yengil shoxlar og‘irlik ta’sirida egilib, mevalarni to‘g‘ridan-to‘g‘ri quyoshga duchor qiladi.

Barglar mevalarni quyoshdan soya bilan himoya qiladi, lekin juda ko‘p barg rangi qizil yoki pushti bo‘lgan navlarda mevaning to‘liq rang olishini qiyinlashtirishi mumkin. Shu sababli, barg va meva sonida muvozanat saqlash lozim.

Mevalarni siyraklashtirishni erta bajarish kerak. Agar bu kechiktirilsa, olib tashlangan mevalar ortidagi mevalar to‘satdan quyoshga ochilib, kuyish ehtimoli ortib ketadi. Shuningdek, navga qarab terimdan 2–3 hafta oldin shoxlarni kesish meva rangi uchun ham, quyosh ta’sirini nazorat qilish uchun ham samarali hisoblanadi.

Grenni Smit kabi navlar quyoshda kuyishga ancha moyil bo‘ladi, chunki bu navda rang o‘zgarishi kutilmaydi va terimgacha yashil holda saqlanishi kerak. Bunday navlar uchun quyosh nurini qaytaradigan kaolin kabi moddalarni sepish foydali bo‘ladi.

Shu bilan birga, suv parlovchi tizimlar orqali daraxt yuzasida haroratni pasaytirish ham olmalarni himoya qilishda samarali vosita hisoblanadi.

Shu tarzda kompleks yondashuv – to‘g‘ri shox va barg parvarishi, vaqtida siyraklashtirish, quyosh nurlaridan himoyalovchi vositalardan foydalanish va iqlim sharoitini nazorat qilish – olmalarni quyoshda kuyishidan asrab, sifatli va tijoratbop xosil olishga zamin yaratadi.