Eron kompaniyasi Sirdaryo viloyatida qishloq xo‘jaligi texnikasi ishlab chiqarish imkoniyatlarini o‘rgandi
2025-05-16 11:50:00 / Yangiliklar
Tashrif davomida kompaniya vakillari tomonidan bo‘sh turgan ishlab chiqarish majmualari hamda Sirdaryo transport texnikumi hududidagi ishlab chiqarish angarlari ko‘zdan kechirildi va mazkur hududlarda qishloq xo‘jaligi texnikasi ishlab chiqarish imkoniyatlari o‘rganildi.
Shuningdek, “Fattahi” kompaniyasi vakillari Oqoltin tumani hokimi X. Suvonov bilan uchrashuv o‘tkazishdi. Uchrashuvda tumanda ishlab chiqarishni yo‘lga qo‘yish uchun barcha zarur sharoitlar yaratishga tayyorligini bildirildi.
Jumladan, ishlab chiqarish angarlari uchun zarur infratuzilma va kommunikatsiyalar bilan ta’minlash, mahsulotlar namoyish etiladigan shourumni tashkil etish uchun yer maydoni ajratish, xorijiy mutaxassislar yashashi uchun zaruriy sharoitlarni yaratish bo‘yicha takliflar bildirildi.
Tashrif yakunida kompaniya rahbari B. Fattohiy O‘zbekistonda ishlab chiqarishni yo‘lga qo‘yishga tayyor ekanliklarini bildirdi. Ta’kidlanishicha, taqdim etilgan takliflar har tomonlama o‘rganilib, yaqin kunlarda yakuniy qaror qabul qilinadi.