Farg‘ona vodiyisida organik mahsulotlar ishlab chiqarishga oid seminar-trening bo‘lib o‘tdi
2025-05-15 12:50:00 / Yangiliklar
Tadbirda Farg‘ona viloyati bilan bir qatorda, Andijon va Namangan viloyatlari qishloq xo‘jaligi boshqarmalari hamda tuman bo‘limlari mutaxassislari, fermer xo‘jaliklari, eksportyor korxonalar va sohaning boshqa vakillari ishtirok etdilar. Jami 65 nafardan ortiq ishtirokchi qamrab olindi.
Seminarda organik qishloq xo‘jaligiga oid asosiy tushunchalar, uning afzalliklari, Yevropa Ittifoqi standartlari, sertifikatlash tizimi, ichki nazorat va xalqaro bozorga chiqish imkoniyatlari haqida keng ma’lumotlar taqdim etildi.
Trening ishtirokchilari, shuningdek, organik mahsulotlarni yetishtirish, qayta ishlash va saqlashda qo‘llaniladigan xalqaro talab va tavsiyalar bilan yaqindan tanishdilar.
Tadbir yakunida organik qishloq xo‘jaligini rivojlantirishga qaratilgan amaliy taklif va tavsiyalar bildirilib, bu yo‘nalishda kelgusidagi hamkorlik aloqalarini mustahkamlash muhimligi ta’kidlandi.