O‘zbekiston Respublikasi Qishloq хo‘jаligi vаzirligi

Hozirgi kunda ushbu maydonning 30 gektar qismida Gretsiyadan olib kelingan shaftoli navlari parvarish qilinmoqda. Aytilishicha, bog‘ning har bir gektaridan 5 tonnagacha hosil olish imkoniyati mavjud. Mahsulotlar asosan tashqi va ichki bozorlarga yo‘naltiriladi.

Mazkur MChJda ayni paytda 30 nafar doimiy va 150 nafar mavsumiy ishchi faoliyat yuritmoqda. Mas’ullarning aytishicha, kelgusi yillarda yetishtirilayotgan ekin turlari hamda ularni parvarish qilish uchun jalb etiladigan ishchilar sonini oshirish rejalashtirilgan.

Qayd etish lozimki, mevalarni sifatli yetishtirish va ularni oziqlantirishda standartlarga mos yondashuvlar joriy etilgan. Mutasaddilarning ma’lum qilishicha, umumiy maydonning 50 gektar qismi o‘rik, 6 gektari uzum, qolgan 5 gektari esa gilos yetishtirish uchun ajratilgan.

E’tiborlisi, ushbu bog‘larda mevalarni to‘g‘ri va to‘liq sug‘orish uchun zamonaviy texnik uskunalar bilan jihozlangan tomchilatib sug‘orish tizimi joriy etilgan. Ma’lumki, ekinlarni oziqlantirishda maxsus usullarni qo‘llash va ilmiy asoslangan tajribalarni tatbiq etish katta ahamiyatga ega.

Vazir olib borilayotgan agrotexnik amaliyotlar bilan tanishar ekan, ko‘rilayotgan sa’y-harakatlarni munosib e’tirof etdi hamda bog‘ qator oralariga qo‘shimcha ekin ekish orqali daromad ko‘lamini kengaytirish borasida o‘zining muhim tavsiyalarini bildirdi.

Masalan, mevalar parvarish qilinayotgan hududda qo‘shimcha tarzda yer yong‘oq yoki daraxtlarning sog‘lom rivojlanishiga salbiy ta’sir ko‘rsatmaydigan boshqa turdagi ekinlarni yetishtirish har tomonlama manfaatli bo‘lishi mumkin. Albatta, bunday jarayonda tajribali mutaxassislar ishtirokini ta’minlash muhim ahamiyat kasb etadi.

Vazir, shuningdek, hudud yerlaridan oqilona foydalangan holda mevalar hajmini ko‘paytirish, eksport salohiyatini oshirish va ichki bozorni qishloq xo‘jaligi mahsulotlari bilan ta’minlashda harakatchanlikni kuchaytirish bo‘yicha o‘zining muhim ko‘rsatma va topshiriqlarini berdi.