O‘zbekiston Respublikasi Qishloq хo‘jаligi vаzirligi

Unda viloyat va tuman qishloq xo‘jaligi bo‘limlari rahbarlari, g‘allachilikka ixtisoslashgan fermerlar va dehqonchilik xo‘jaliklari vakillari, Agroinspeksiya viloyat va tuman rahbarlari, shuningdek, g‘alla qabul qilish maskanlari va qabul qiluvchi tashkilotlar mas'ullari ishtirok etdi.

Seminar davomida, g‘alla hosilini yig‘ib-terib olish jarayonlarini samarali tashkil etish, hosilni nest-nobud qilmasdan to‘liq saqlash va aniqlik bilan raqamlashtirish masalalari muhokama qilindi. Tadbirda g‘allanigina emas, balki uning hosilga bo‘lgan iqtisodiy ta'sirini shaffof tarzda, hosil qabuli axborot tizimi orqali aniq va ishonchli raqamlar bilan kiritishning zarurligi ta’kidlandi.

Shuningdek, Qishloq xo‘jaligi vazirligining Agrar sohada axborot-kommunikatsiya texnologiyalarini joriy qilish va raqamlashtirish departamenti vakillari tomonidan "Hosil qabuli" axborot tizimining ishlash mexanizmi tushuntirildi. Ular har bir hosilning aniq va shaffof tarzda tizimga kiritilishi, raqamli tizimlar orqali barcha ma'lumotlarning ochiq va ishonchli bo‘lishini ta'minlash borasida atroflicha ma'lumotlar berdilar.

Vazir Ibrohim Abdurahmonov nutqida, mamlakatimizda Prezidenti Shavkat Mirziyoyev rahbarligida qishloq xo‘jaligini raqamlashtirish va innovatsion texnologiyalarni joriy etish borasida amalga oshirilayotgan keng ko‘lamli islohotlarning ahamiyati to‘g‘risida so‘z yuritdi. U, shuningdek, bu jarayonlar nafaqat samaradorlikni oshiradi, balki g‘alla hosilini ishlab chiqarish va saqlashda isrofgarchilikka yo‘l qo‘ymaslikka, shaffoflikni ta'minlashga xizmat qiladi, dedi.

Tadbir yakunida, seminar ishtirokchilari don yig‘im-terimi jarayonlarini to‘liq raqamlashtirish va axborot texnologiyalarini joriy etish borasida o‘zaro fikr almashdilar. Viloyat miqyosida g‘alla hosilini yig‘ib-terish, monitoring va nazorat qilishning aniq mexanizmlari belgilandi, bu esa Surxondaryo viloyatining qishloq xo‘jaligida yangi davrni boshlab beradi.

O‘z navbatida, “Hosil qabuli” axborot tizimining samarali ishlashi uchun har bir fermer xo‘jaligi va tuman mutasaddilarining mas’uliyatli yondashuvi muhim ekani qayd etildi.

Bu, o‘z navbatida, qishloq xo‘jaligi sohasida raqamli transformatsiyaning yanada chuqurlashishiga, hosil yig‘im-terimi jarayonlarining shaffofligini ta’minlashga va fermerlarning mehnatini qadrlashga xizmat qilishi bilan ahamiyatli.