O‘zbekiston Respublikasi Qishloq хo‘jаligi vаzirligi

Muloqotda asosan O‘zbekistonda qishloq xo‘jaligi sug‘urtasini joriy etish, agrar sektor uchun moliyaviy himoya mexanizmlarini rivojlantirish hamda qishloq xo‘jaligi risklarini boshqarish masalalari tahlil qilindi.

Qayd etish lozim, Italiya — dunyoning yetakchi agrar mamlakatlaridan biri sifatida qishloq xo‘jaligi sug‘urtalash fondlari, to‘lov agentliklari va risklarni boshqarish tizimlarini rivojlantirish borasida boy tajribaga ega.

Shu bois, mamlakatning bu boradagi tajribasi alohida e’tibor bilan o‘rganilib, risklarni boshqarishning samarali mexanizmlari hamda tabiiy ofatlar va iqlim o‘zgarishidan kelib chiqadigan ehtimoliy muammolarni kamaytirish bo‘yicha ilg‘or yondashuvlar ko‘rib chiqildi.

Shu bilan birga, xorij tashkilotlarining moliyaviy ta’minot mexanizmlari, xavf-xatarlarni oldindan bashorat qilishda sun’iy intellekt va raqamli texnologiyalarni qo‘llash tajribasi ham alohida o‘rganildi.

Muloqot yakunida rasmiylar tomonidan O‘zbekistonning agrar sektorida qishloq xo‘jaligi sug‘urtasi tizimini takomillashtirish borasida Italiya tajribasini joriy etish, turli risklarni boshqarishning raqamli platformalarini yaratish hamda loyihalarni hamkorlikda amalga oshirish yuzasidan kelgusi rejalar belgilab olindi.

Bu tashabbuslar, shubhasiz, O‘zbekistonda qishloq xo'jaligi mahsulotlarini ishlab chiqarish hajmini oshirish, eksport salohiyatini kuchaytirish hamda xalqaro bozorga chiqish imkoniyatlarini kengaytirishga xizmat qiladi. Rasmiy uchrashuvlar va amaliy tashriflar hali davom etmoqda.