Ayollar – qishloq xo‘jaligi barqarorligining tayanchi
2025-05-05 14:50:00 / Yangiliklar
Bugun Qishloq xo‘jaligi vazirligida bo‘lib o‘tgan yig‘ilish aynan shu strategiyaning mazmun-mohiyati va uni amalda tatbiq etish masalalariga bag‘ishlandi.
Yig‘ilishda Qishloq xo‘jaligi vazirligi vakillari, “Agrar soha ayollari” uyushmasi rahbari, AKIS milliy markazi, Toshkent davlat agrar universiteti hamda BMTning Oziq-ovqat va qishloq xo‘jaligi tashkiloti (FAO) vakillari ishtirok etdilar.
Muhokamalar davomida strategiyani samarali amalga oshirish uchun birinchi navbatda ayollarni uning mazmuni bilan tanishtirish, ularning huquqiy va iqtisodiy imkoniyatlari haqida sodda va tushunarli tarzda ma’lumot berish zarurligi ta’kidlandi. Har qanday dastur faqat rasmiy hujjat darajasida emas, balki oddiy dehqon ayol hayotida ham real o‘zgarish yasaganidagina haqiqiy natija beradi.
Shuningdek, yig‘ilishda ayollarni xorijda malaka oshirish kurslariga yuborish, ilm-fan, ishlab chiqarish va amaliyotni birlashtirish orqali ularning kasbiy mavqeini mustahkamlash masalalari ko‘rib chiqildi. Bu tashabbus nafaqat ayollarning imkoniyatlarini kengaytiradi, balki butun agrar sohaning taraqqiyotiga turtki beradi.
Yig‘ilish yakunida strategiyaning sifatli amalga oshirilishini ta’minlash uchun xorijiy ekspertlarni jalb etish zarurligi qayd etildi. Bu xalqaro tajribani o‘zlashtirish va uni mahalliy sharoitga moslashtirish yo‘lida muhim qadamlardan biri bo‘lishi kutilmoqda.