Reshetilovkа qo‘y zoti haqida eshitganmisiz?
2025-04-30 09:20:00 / Yangiliklar
Reshetilovka qo‘zilarining terisi qora rangli bo‘lib, u yuqori sifatli charm mahsulotlari ishlab chiqarishda qo‘llaniladi. Ko‘p hollarda bu zotning terisi qorako‘l qo‘y zotining terisiga yaqin sifatga ega bo‘ladi. Ular dag‘al junga ega bo‘lib, bu jun asosan texnik va dekorativ maqsadlarda ishlatiladi. Junining uzunligi 20-32 sm, har bir qo‘ydan 2,5-4,0 kg gacha jun olinadi.
Qo'ylarning o‘ziga xos xususiyati uning barra teri va sut mahsuldorligida namoyon bo‘ladi. Ularning sutidan pishloq va boshqa sut mahsulotlari ishlab chiqariladi. Reshetilovka qo‘ylari uzoq muddat davomida qorako‘l qo‘y zotlari bilan chatishtirish yo‘li bilan seleksiyalangan. Natijada, ular qorako‘l qo‘ylari bilan bir xil yuqori sifatli teri beradigan duragay avlodlarni yetishtirish imkonini yaratdi.
Bu zot seleksiyasi asosan O‘zbekistondagi cho‘l va yarim cho‘l hududlarida olib borilgan, chunki ushbu hududlarda bu qo‘ylar o‘z iqlimga tez moslashadi. Bu qo‘ylar o‘rtacha hisobda 5-7 yilgacha mahsuldorligini yo‘qotmaydi va uzoq muddat barqaror hosil beradi. Qo‘ylar yemni tejamkorlik bilan iste’mol qilib, yuqori mahsuldorlikni ta’minlay oladi.
Reshetilovka qo‘ylari iqtisodiy jihatdan yuqori samaradorlikka ega bo‘lgan, ko‘p tarmoqli maqsadlarda foydalaniladigan sermahsul qo‘y zotidir. Ularning teri sifati va jun mahsuldorligi tufayli qishloq xo‘jaligida katta ahamiyatga ega bo‘lib, chorvachilik sohasida yetakchi o‘rin tutadi.