O‘zbekiston Respublikasi Qishloq хo‘jаligi vаzirligi

Muloqot davomida o‘zaro manfaatli hamkorlikni yanada kengaytirish, xususan, qishloq xo‘jaligi mahsulotlari savdosini rivojlantirish masalalari muhokama qilindi. Savdo hajmini oshirish, mahsulot yetkazib berish yo‘nalishlarini optimallashtirish va logistika tizimini takomillashtirish bo‘yicha fikr almashildi.

Shuningdek, uchrashuvda eksport-import hajmlarini ko‘paytirish, O‘zbekiston mahsulotlarini Rossiyaning Uzoq Sharq mintaqalariga yetkazib berish imkoniyatlari, istiqbolli yo‘nalishlar va logistika infratuzilmasini rivojlantirish borasida tavsiyalar muhokama qilindi.

Mazkur yo‘nalishda amaliy hamkorlikni yo‘lga qo‘yish, ayniqsa, mahsulot saqlash va sovutkichli tashish tizimlarini joriy etish bo‘yicha fikrlar bildirildi.

Uchrashuv yakunida tomonlar ikki davlat o‘rtasidagi agroiqtisodiy aloqalarni mustahkamlashga qaratilgan aniq rejalarni belgilab oldilar. Shu asosda qo‘shma ishchi guruhlar faoliyatini yo‘lga qo‘yish, o‘zaro axborot almashuvini kuchaytirish va mavjud salohiyatdan samarali foydalanish bo‘yicha kelishuvga erishildi.

Korporatsiya vakillari, ushbu uchrashuvni ikki tomonlama amaliy hamkorlikni yangi bosqichga olib chiqish yo‘lida muhim qadam sifatida baholadi.