O‘zbekiston Respublikasi Qishloq хo‘jаligi vаzirligi

Mazkur agroklaster innovatsion texnologiyalar va istiqbolli loyihalari orqali soha rivojiga hissa qo‘shishni, fermerlar uchun qulayliklar yaratishni hamda dalalarda ekilayotgan paxta navlarini belgilangan agrotexnik standartlarga muvofiq yetishtirishni o‘z oldiga maqsad qilib qo‘ygan.

Paxta dalalarini ko‘zdan kechirish jarayonida mas’ullar fermerlar bilan ishlashning yangi mexanizmi haqida batafsil ma’lumot berdi. Ma’lumki, fermerlar duch keladigan asosiy muammolardan biri — bu sifatli va hosildor urug‘ni tanlash va xarid qilish bilan bog‘liq. Agroklaster esa ushbu mas’uliyatni o‘z zimmasiga olib, ularga unuvchan va serhosil urug‘likni taqdim etadi.

Bundan tashqari, urug‘ni ekish, parvarishlash, oziqlantirishga oid barcha agrotexnik tadbirlarni tashkil etishda bevosita amaliy yordam ko‘rsatadi. Qolaversa, korxona fermerlarga dala ishlarida zarur ko‘nikmalarni shakllantirish, faoliyat bilan bog‘liq texnik muammolarni bartaraf etish bo‘yicha ham tizimli kelishuvni taklif etmoqda.

Vazir, o‘z navbatida, agroklasterning bunday ilg‘or yondashuvlarini ijobiy baholab, paxtachilikni yanada rivojlantirish hamda ekinlarni sifatli va samarali yetishtirish yo‘lida fermerlar bilan agroklasterlar o‘rtasidagi o‘zaro hamkorlikni kengaytirish zarurligini ta’kidladi.

Shuningdek, u mas’ullarga ushbu tajribani boshqa hududlarda ham joriy etish, urug‘lik tanlashda hamkorlik qilish hamda mavsumiy ishlarni ilmiy asosda, samarali tashkil etish bo‘yicha tegishli topshiriqlar berdi.