O‘zbekiston Respublikasi Qishloq хo‘jаligi vаzirligi

Mazkur xo‘jalik 6 gektarlik maydonda g‘alla ekinlarini parvarishlayapti. O'rganishlar davomida ushbu hududdagi ayrim joylarda g‘alla o‘suvining sust kechayotgani, unuv darajasi past ekani, ekinlarning rivojlanishida kechikishlar kuzatilayotganini boshqa bir maydonda esa unuv darajasi yaxshi ekani qayd etildi. Ta’kidlash joizki, mazkur hududlarda Rossiya navli g‘alla urug‘i ekilgan bo‘lib, bu ham o‘ziga xos yondashuvni, tajriba va tahlilni talab etmoqda.

Vazir holatni o‘rganar ekan, mas’ullarga a sust o‘sayotgan hududlarda zudlik bilan agrotexnik chora-tadbirlarni kuchaytirish, suv ta’minoti va o‘g‘itlash tizimini takomillashtirish, shuningdek, zararkunandalarga qarshi profilaktik choralarni amalga oshirish bo‘yicha topshiriqlar berdi.

Shuningdek, Ibrohim Abdurahmonov paxta va g‘alla maydonlarini tabiiy ofatlardan himoyalash maqsadida qator oralariga oq jo‘xori va kungaboqar ekish orqali biohimoya to‘siqlari tashkil etish yuzasidan ham aniq ko‘rsatmalarni berdi.

Ushbu usul, bir tomondan, tuproqni boyitish va eroziyaning oldini olishga xizmat qilsa, boshqa tomondan, agrobiologik muvozanatni saqlashda ham muhim ahamiyatga ega.

Zero, bugungi islohot – ertangi baraka, har bir o‘zgarish esa xalq dasturxonidagi mo‘l-ko‘llikka xizmat qilishi kerak.