O‘zbekiston Respublikasi Qishloq хo‘jаligi vаzirligi

Mazkur maydonda xorijiy “Xin Lu Zao-78” paxta navi Xitoy texnologiyasi asosida, 76x10 sxema bo‘yicha qo‘shqator qilib ekilgan. Zamonaviy tomchilatib sug‘orish tizimi to‘liq joriy etilgan bo‘lib, chigitlar plyonka ostiga olingan. Hozirda navni sifatli parvarishlash bo‘yicha tizimli ishlar boshlab yuborilgan.

Shuningdek, paxta ekinlarini zararkunandalardan himoya qilish maqsadida, Paxtachilik kengashi olimlari tomonidan ishlab chiqilgan uslubiy qo‘llanma asosida alohida xo‘rak maydonlari tashkil etilgan. Bu hududlarda mahalliy “S-8290” paxta navlari ekilgan.

Vazir shuningdek, tuman hududidagi “Mirxoliq Rashida” fermer xo‘jaligiga tegishli, umumiy maydoni 16,7 gektar bo‘lgan paxta dalalarida olib borilayotgan ishlar bilan tanishdi. Bu yerda ham “Xin Lu Zao-78” navi ilmiy asosda, uslubiy tavsiyalarga muvofiq ekilgan.

Vazir amalga oshirilayotgan agrotexnik tadbirlarni ijobiy baholab, alohida ajratilgan xo‘rak maydonlari va u yerda ekilgan mahalliy navlar holatini qoniqarli deb e’tirof etdi. U, shuningdek, bu kabi ilg‘or yondashuvlarni kengroq miqyosda joriy etish zarurligini ta’kidladi hamda bu borada aniq vazifalarni belgilab berdi.

Tashrif davomida Paxtachilik kengashi olimlari ham fermerlar tomonidan olib borilayotgan mavsumiy agro ishlarni yuqori baholab, sug‘orish, o‘g‘itlash va parvarishlash jarayonlariga oid muhim tavsiyalarni berdi.

Shu bilan birga, mas’ullarga xo‘rak maydonlariga alohida e’tibor qaratish, dala ishlarini sifatli tashkil etish, oziqlantirishda me’yorlarga rioya qilish va ilmiy asoslangan agrotexnik amaliyotlarni uzluksiz joriy etish bo‘yicha ko‘rsatmalar berildi.