Xo’rak maydonlarini tashkil etish hosildorlikni ta’minlaydi
2025-04-17 18:35:00 / Yangiliklar
Umumiy maydoni 138 gektardan iborat bo‘lgan hududning 34 gektar yerida ayni paytda g‘ozaning xorijiy “Xin Lu Zao-78” navi Xitoy texnologiyasi asosida qo‘shqator qilib, 76/10 sxemada ekilgan. Ahamiyatlisi, tomchilatib sug‘orish tizimi ham to‘liq va sifatli yo‘lga qo‘yilgan.
Aytilishicha, dala yerlarida olib borilayotgan barcha sa’y-harakatlar fermer va dehqonlar uchun ishlab chiqilgan uslubiy qo‘llanma asosida tashkil etilgan bo‘lib, bu jarayonda olimlar va sohadagi tajribali mutaxassislarning ishtiroki to‘liq ta’minlangan. Parvarishlash amaliyoti esa to‘g‘ri va tizimli joriy etilgan.
Shuningdek, ekin atrofida to‘liq himoya zonalarini tashkil etish, xorijiy navlarni tashqi ta’sirlardan omon saqlash uchun alohida xo’rak maydonlarini ajratish bo’yicha ham agro tadbirlar to’liq amalga oshirilgan. Mas’ullarning aytishicha, o’tgan yil mazkur maydonda ekilgan xorijiy navlardan o’rtacha 68-70 sentner hosil olingan.
Bu yilgi mavsumda esa, ko’rsatgichlarni yanada yaxshilash rejalashtirilgan. Shu bilan birga, paxtachilikda ilg’or tajribalarni qo’llash, yangi innovatsion yondashuvlarni joriy etish bo’yicha keng ko’lamli sa’y-harakatlar olib borilmoqda.
Vazir o’z navbatida, parvarish qilinayotgan navlarni turli iqlim sharoitlari va tashqi ta’sirlardan himoyalash, uni sog‘lom rivojlantirish borasida o’z fikrlarini bildirar ekan, bu jarayonda ishlab chiqilgan uslubiy qo’llanmadan muntazam foydalanish lozimligini ta’kidladi va belgilangan ko’rsatmalar bo’yicha agrotexnik amaliyotlarni olib borish zarurligini aytib o’tdi.
Shu bilan birga, mas’ullarga mavsum davomida dala ishlarini sifatli tashkil etish, ekinlarni oziqlantirishda me’yor va tartibga amal qilish, xo’rak maydonlarini doimiy nazorat qilish yuzasidan ko‘rsatmalar berdi.