O‘zbekiston Respublikasi Qishloq хo‘jаligi vаzirligi

Dastlab, Yozyovon tumanidagi “Markaziy Farg‘ona” MMTP hududida joylashgan “Baxrombek” fermer xo‘jaligining 10 gektarlik kuzgi boshoqli don va moyli ekinlar ekilgan sinov-tajriba maydoni ko‘zdan kechirildi.

Fermer xo‘jaligining umumiy yer maydoni 344 gektarni tashkil etadi. Shundan 162 gektar maydonda paxta, 182 gektarda esa g‘alla yetishtirilmoqda. Sinov maydonida esa Rossiya Federatsiyasining ilmiy-tadqiqot instituti bilan hamkorlikda olib borilayotgan loyiha doirasida 30 ta g‘alla navi ekilgan.

Bundan tashqari, sinov tartibida 12 ta mahalliy g‘alla navi, 4 ta arpa navi hamda 1 ta moyli ekin navi parvarish qilinmoqda. Har bir nav alohida konturda, individual agrotexnik tadbirlar asosida yetishtirilmoqda. Bu esa ilm-fan va amaliyot integratsiyasining yorqin namunasi bo‘lib xizmat qilmoqda.

Tajriba maydoni nafaqat ekinlar, balki zamonaviy ilmiy yondashuvlar uchun ham muhim sahnaga aylangan. Bu yerda vegetatsiya jarayonlari, o‘suv bosqichlari muntazam kuzatilib, har bir bosqich ilmiy asosda qayd etilib, tahlil qilinmoqda.

Vazir Ibrohim Abdurahmonov ushbu tajriba maydonida olib borilayotgan ishlar bilan tanishar ekan, g‘allachilikda erishilayotgan yutuqlarda olimlar bilan yaqin hamkorlikda ilmiy yondashuvlarni keng tatbiq etish muhimligini ta’kidladi.

Shuningdek, hududning iqlim xususiyatlaridan kelib chiqqan holda sinovlar o‘tkazish va natijada eng mos va serhosil navlarni tanlash yuzasidan tegishli tavsiyalarini berdi.