O‘zbekiston – Ozarbayjon: yangi investitsiya loyihalari muhokama qilinmoqda
2025-04-16 11:45:00 / Yangiliklar
Xususan, “Milla Dairy” kompaniyasi bilan o‘tkazilgan uchrashuvda “Jizzax Organic” kompaniyasi bilan hamkorlikda O‘zbekistonda sut mahsulotlarini ishlab chiqarish bo‘yicha qo‘shma loyihani amalga oshirish istiqbollari yuzasidan fikr almashildi. Mazkur loyiha doirasida “Milla Dairy” kompaniyasi tomonidan O‘zbekiston bozorini o‘rganish va biznes-model ishlab chiqish ishlari olib borilayotgani qayd etildi.
Shuningdek, tashrif doirasida “R Group Holding” venchur investitsiya kompaniyasi direktori Abdul Aliev bilan uchrashuv tashkil etildi. Unda faoliyati vaqtincha to‘xtab qolgan “MILMAXTRADE” kompaniyasiga tegishli zavodni — jem, quruq meva va sneklar ishlab chiqarishga ixtisoslashgan korxonani — qayta ishga tushirish loyihasi taqdim etildi.
Muzokaralar natijasida “MILMAXTRADE” kompaniyasi rahbari Sh. Husenov bilan onlayn uchrashuv o‘tkazish hamda loyiha hujjatlarini Ozarbayjon tomoniga taqdim etish bo‘yicha kelishuvga erishildi.