“Agrosubsidiya”: sholi yetishtiruvchilar uchun yangi subsidiya turlari joriy etiladi
2025-04-07 10:55:00 / Yangiliklar
Vazirlar Mahkamasining 2025-yil 17-fevraldagi 97-son qaroriga muvofiq “Agrosubsidiya” ATda Xorazm viloyatidagi sholi yetishtiruvchi subyektlari uchun 2025-2026 yillarda “Lazerli qurilmaga ega yer tekislagich agregatlar bilan yer tekislash xarajatlari” hamda “Xarid qilingan zamonaviy sholi urug‘ini ekish seyalkalari va ko‘chatlab ekish uskunalari xarajatlari” subsidiya ajratish imkoniyati yaratildi.
Endilikda, sholi yetishtiruvchilar lazerli qurilmaga ega yer tekislagich agregat bilan tekislangan har bir gektar ekin maydoniga sarflangan yonilg‘i-moylash materiallari xarajatlarining 100 foizini, biroq 1 mln so‘mdan ortiq bo‘lmagan qismini hamda 2025-2026 yillarda ishlab chiqaruvchidan xarid qilingan va xarid qilinganligiga bir yildan oshmagan zamonaviy sholi urug‘ini ekish seyalkalari shuningdek, ko‘chatlab ekish uskunalari qiymatining 20 foizi miqdorida subsidiya olish uchun “Agrosubsidiya” AT orqali ariza topshirishlari mumkin.
Siz ham agrar sohadagi mavjud imkoniyatlardan foydalanmoqchi bo‘lsangiz qo‘yidagi havolaga o‘ting: https://agrosubsidiya.uz