O‘zbekiston Respublikasi Qishloq хo‘jаligi vаzirligi

Unda ikki tomonlama hamkorlik aloqalarini o‘rnatish, yangi loyihani amaliyotga joriy etish borasida muhokama olib borildi.

Uchrashuv avvalida ikki davlat o‘rtasida qishloq xo‘jaligi sohasidagi savdo-iqtisodiy va ilmiy hamkorlik aloqalari mustahkamlanib, rivoj topayotgani, xususan, uzumchilik, vinochilik, agrar ta’lim, funduk yong‘og‘i va zaytun yetishtirish borasidagi yangi hamkorlik aloqalari yo‘lga qo‘yilayotgani ta’kidlab o‘tildi.

Georgy Svanidze bugungi kunda O‘zbekiston har jabhada rivoj topayotganligini, shu o‘rinda qishloq xo‘jaligida amalga oshirilayotgan ishlar, yangicha texnologiyalarning kirib kelishi, Yevropa mamlakatlari bilan o‘zaro tajriba almashish borasidagi amaliy ishlarni kengayganini e’tirof etib o‘tdi.

Muloqot davomida mamlakatimizning iqlim sharoitidan kelib chiqqan holda zaytun ko‘chatlarini tajriba tariqasida ekish va shu asnosida yangi loyihani amaliyotga joriy etish masalalari muhokama qilindi.

O‘z o‘rnida, ekologik toza ishlab chiqarish usullarini yaratish va joriy etishda, shuningdek, bu kabi loyihalarni qo‘llab-quvvatlashda yurtimiz hamkorlik qilishga tayyorligi aytib o‘tildi. 

Uchrashuv so‘ngida Ibrohim Abdurahmonov kompaniyaning hamkorlik bo‘yicha taklif va g‘oyalar tinglashga, konstruktiv muloqot o‘rnatishga hamda Qishloq xo‘jaligi vazirligi vakolat doirasida yordam berishga tayyorligini ma’lum qildi.