Noan’anaviy o‘simlik — Bamiya. U o‘zi qanday foydali xususiyatlarni jamlagan?
2025-03-26 20:00:00 / Yangiliklar
Bamiyaning quritilgan urug‘laridan sabzavotli tvorog tayyorlash mumkin. Qovurilgan va maydalangan urug‘larini esa, qahva o‘rnini bosuvchi vosita sifatida ishlatsa bo‘ladi.
O‘simlikning yetilgan mevalari va poyasida qog‘oz sanoatida ishlatiladigan xom tolalar mavjud. Mevalari tarkibidagi shilimshiq moddalar qog‘ozlarni yopishtirish uchun ishlatiladi. Shuningdek, qandolat mahsulotlarini tayyorlash uchun foydali bio-absorbent kabi vositalar olinadi.
O‘simlik mevalarini qaynatib, qovurib, dudlab boshqa sabzavotlar bilan pishirib yoki o‘zini ham iste’mol qilsa bo‘ladi. Bundan tashqari bamiyadan turli xildagi konservalar tayyorlash mumkin. E’tiborlisi, meva shifobaxsh vitamin va minerallarga boy.
Bamiya mevasini yana qanday foydali xususiyatlarga ega?
➖mevasi tarkibida shilimshiq moddalar ko‘p bo‘lganligi sababli oshqozon ichak kassaliklarini davolaydi;
➖yurak qon tomirlarini mustahkamlaydi. Gipertoniyaga qarshilikni kuchaytiradi. Qon aylanish tizimini me’yorlashtiradi;
➖qandli diabetni oldini oladi, qondagi qand miqdorini pasaytiradi;
➖mevasi va urug‘lari bepushtlikni davolovchi vosita sifatida ishlatiladi;
➖Ortiqcha vazndan xalos bo‘lishda samarali foyda beradi, toksin va shlaklardan tozalaydi.