O‘zbekiston Respublikasi Qishloq хo‘jаligi vаzirligi

Muloqot chog‘ida mamlakatimizda agrar soha, xususan, parrandachilikni rivojlantirish, parrandalar uchun ozuqalar ishlab chiqarish bo‘yicha  hamkorlikni yo‘lga qo‘yish masalalari muhokama qilindi. 

 Dastlab, vazirlik mutasaddilari  mamlakatimizning agrar tarmog‘ida so‘nggi yillarda amalga oshirilayotgan islohotlar, investorlar  uchun yaratilgan shart-sharoitlar, mamlakatimiz aholisining parranda go‘shtiga, parranda yetishtiruvchilarning esa sifatli ozuqalarga  bo‘lgan ehtiyoji  haqida batafsil ma’lumot berishdi. 

Kompaniya vakillari o‘z faoliyat yo‘nalishlari haqida so‘z yuritar ekan,  aynan parrandalar uchun ozuqalar ishlab chiqarish yo‘nalishida nafaqat Malayziyada, balki dunyoning ko‘plab davlatlarida hamkorlari mavjudligini,  Markaziy Osiyo davlatlari orasida O‘zbekiston bilan ham bu yo‘nalishda hamkorlikni yo‘lga qo‘yish har ikki davlat manfaatlari uchun xizmat qilishini ta’kidlab o‘tdi. 

Shuningdek uchrashuvda tomonlar Toshkent davlat agrar universiteti bilan hamkorlikda mamlakatimizda qishloq xo‘jaligi ekinlarining kasalliklari va zararkunandalariga qarshi kurashish uchun laboratoriya sinovlarini o‘tkazish, parrandalar ozuqasini ishlab chiqarish  majmuasi uchun mamlakatimizning qulay hududlaridan yer maydonlarini ajratish, ozuqa ishlab chiqarish uchun zarur bo‘lgan xomashyoni yetkazib berish masalalari haqida ham to‘xtalib,  o‘zaro manfaatli fikrlarni o‘rtaga tashlashdi.

Uchrashuv so‘ngida hamkorlikda amalga oshiriladigan loyihaning hujjatlar portfelini ishlab chiqishda birgalikda ish olib borishga kelishib olindi.