O‘zbekiston Respublikasi Qishloq хo‘jаligi vаzirligi

Vaqt o‘tishi bilan qulupnayning eski barg va poyalari zaiflashib, yangi meva berish qobiliyatiga salbiy ta’sir qiladi. Barglarning qalinlashishi va eski poyalarning to‘planishi o‘sish jarayonini sustlashtirib, tuproqdagi namlik va oziq moddalarning samarali taqsimlanishiga to‘sqinlik qiladi.

Natijada, o‘simlik zaiflashib, hosildorligi pasayishi mumkin. Yer ustki qismini kesish o‘simlikning resurslarini yangi barg, poya va ildiz tizimini rivojlantirishga yo‘naltiradi. Bu esa tuproqdan oziq moddalar va namlikni yaxshiroq singdirishga yordam beradi.

Shuningdek, eski barglarni olib tashlash zararkunanda va kasalliklar tarqalishining oldini oladi. Tajribalar shuni ko‘rsatadiki, kesish jarayoni o‘simlikning nafaqat umumiy holatini yaxshilaydi, balki keyingi hosil mavsumida yirik va shirali mevalar yetishtirish uchun qulay sharoit yaratadi. Kesishdan so‘ng, sug‘orish va o‘g‘itlash tizimli amalga oshirilsa, o‘simlik tezda tiklanib, yangi kurtaklar hosil qila boshlaydi.