O‘zbekiston Respublikasi Qishloq хo‘jаligi vаzirligi

Shu munosabat bilan Qishloq xo‘jaligi vazirligida an’anaviy sumalak tayyorlash marosimi tashkil etildi. Tadbir milliy qadriyatlarimizga bo‘lgan sadoqat ifodasi bo‘lib, vazirlik xodimlari ertalabdan qozon atrofida to‘planib, sumalak tayyorlash jarayoniga kirishdilar. Bu jarayon jamoaviy birdamlikni mustahkamlash, hamkorlik va do‘stlik rishtalarini yanada mustahkamlashga xizmat qiladi.

An’anaga muvofiq, sumalak tayyorlash uzoq davom etadigan, mehr bilan bajariladigan ish bo‘lib, uning har bir lahzasi ezgu niyat va samimiyat bilan to‘yingan. Qaynab turgan qozon ustida tilangan tilaklar, aytilgan duolar va dil izhorlari bahorning ilk nishonasi bo‘lmish ushbu tabarruk taomni yanada qadrli qiladi.

Albatta, navro‘z – yangilanish, mehr-oqibat va barakali kelajak sari tashlangan mustahkam qadamdir. Ushbu kabi tadbirlar qadriyatlarimizni e’zozlash, hamjihatlikni mustahkamlash hamda yosh avlodga an’analarimizni yetkazishda muhim ahamiyat kasb etadi.