O‘zbekiston Respublikasi Qishloq хo‘jаligi vаzirligi

Mazkur dolzarb bir oylik davomida “Yashil makon” loyihasi doirasida daraxt ko‘chatlarini ekish, mavjud daraxtlarga e’tibor qaratish, ularning turli kasallik va zararkunandalarga chidamliligini oshirish maqsadida profilaktik tadbirlar o‘tkazish, kambag‘al oilalarga mevali daraxtlar ko‘chatlarini yetkazib berish, mahallalardagi ariq va kanallar bo‘ylarini hamda ko‘cha yonlarini tartibga keltirib, obodonlashtirish kabi ishlarni amalga oshirish ko‘zda tutilgan.

Shu bois Qishloq xo‘jaligi vazirligi va tizim tashkilotlarida mehnat qiluvchi ishchi-xodimlar bugun erta tongdan Akademik M. Mirzayev nomidagi Bogʻdorchilik, uzumchilik va vinochilik ilmiy-tadqiqot institutining Boʻstonliq ilmiy-tajriba stansiyasiga tegishli 50 gektar yer maydoniga yetib kelishdi.

Shuni alohida ta’kidlash joizki, o‘tgan yili “Yashil makon” umummilliy loyihasi doirasida ushbu maydonga 24 mingdan ortiq olma, o‘rik, gilos kabi mevali daraxt nihollari ekilgan edi. Bugun kun davomida ushbu daraxt nihollariga shakl berildi, tagi yumshatilib, turli begona o‘tlardan tozalandi. Shuningdek, turli sabablarga ko‘ra qurib qolgan nihollar o‘rniga yangilari ekildi.

Aytib o‘tish joizki, yurtimizga kirib kelayotgan Navro‘z umumxalq bayrami arafasida bunday tadbirlarning o‘tkazilishi nafaqat mehnat jamoalarining birdamligini oshirishga, balki yurtimizni yashil hududga aylantirish orqali atrof-muhit ekologiyasini saqlashga ham katta hissa qo‘shadi.