O‘zbekiston Respublikasi Qishloq хo‘jаligi vаzirligi

Xususan, Chili tajribasidan foydalangan holda, O‘zbekistonda yuqori hosildor va kasalliklarga chidamli uzum hamda gilos navlarini yetishtirish, Chili va O‘zbekiston bog‘bonlari o‘rtasida tajriba almashish, shuningdek, master-klasslar va o‘quv dasturlarini tashkil etish bo‘yicha takliflar bildirildi.

Shuningdek, zamonaviy ko‘chat yetishtirish texnologiyalarini, jumladan, laboratoriya sharoitida mikroko‘paytirish usullarini o‘rganish va Chili tajribasi asosida yuqori hosildor va kasalliklarga chidamli uzum hamda gilos navlarini O‘zbekistonda yetishtirish masalalari ham muhokama qilindi.

Uchrashuvda INIA tomonidan ishlab chiqilgan suv tejovchi guruch yetishtirish texnologiyalarini o‘rganish va ularni O‘zbekistonga moslashtirish, iqlim sharoitlariga mos navlarni sinovdan o‘tkazish va innovatsion usullarni tadqiq qilish masalalari ham ko‘rib chiqildi. Shu bilan birga, guruch yetishtiruvchi fermerlar uchun o‘quv dasturlarini ishlab chiqish va amaliy treninglar o‘tkazish rejalashtirildi.

Uchrashuv yakunida, Qishloq xo‘jaligida bilim va innovatsiyalar Milliy markazi, Genomika markazi hamda Chili Qishloq xo‘jaligi tadqiqot instituti o‘rtasida hamkorlikni mustahkamlash maqsadida Memorandum imzolash bo‘yicha kelishuvga erishildi.

Mazkur hamkorlik doirasida, ikki davlat ilmiy markazlari va qishloq xo‘jaligi mutaxassislari o‘rtasida tajriba almashish va qo‘shma loyihalarni amalga oshirish rejalashtirilmoqda.

Ma’lumot o‘rnida, INIA – Chili Qishloq xo‘jaligi vazirligiga qarashli ilmiy-tadqiqot instituti bo‘lib, oziq-ovqat xavfsizligini oshirish va qishloq xo‘jaligida innovatsion yechimlarni rivojlantirish bilan shug‘ullanadi.