Mavsumga puxta tayyorgarlik ko‘rish – yuqori natijadorlik demak
2025-03-10 18:00:00 / Yangiliklar
Joriy yil hududda paxta, sholi va makkajo‘xori ekish ishlari yuzasidan axborot berildi. Shuningdek, g‘alla va dukkakli ekinlar navlarining taqdimoti o‘tkazildi. Xususan, S-8290, Sulton va xorijiy paxta navlarining hosildorligi hamda ularning iqlim va tuproq sharoitiga mosligi muhokama qilindi.
Mutaxassislar tomonidan urug‘lik chigit ekish texnologiyalari hamda agrotexnik tadbirlar bo‘yicha qisqacha tushuntirish berildi.
Shuningdek, ekin maydonlarini mavsumga tayyorlash, qishloq xo‘jaligi texnikalarining 76/10 sxemaga moslash, agrotexnik tadbirlarni o‘z vaqtida va ilmiy asosda tashkil etish, urug‘lik sifatini oshirish hamda ekish jarayonida samarali texnologiyalardan foydalanish masalalariga alohida e’tibor qaratildi.
Maqsad – mavsum boshidanoq xatolarga yo‘l qo‘ymaslik, tuproq tayyorlashdan tortib ekish va parvarish jarayonlarini ilmiy asosda tashkil etishdir.
Tashrif yakunida hududda amalga oshirilayotgan ishlar bo‘yicha mutasaddilarga tegishli tavsiyalar berildi va kelgusida bajarilishi lozim bo‘lgan vazifalar belgilab olindi.