O‘zbekiston Respublikasi Qishloq хo‘jаligi vаzirligi

Aytish mumkinki, mazkur hududda ayni kunlarda barcha texnikalar qayta tekshiruvdan o‘tkazilib, paxtani 76/10 sxemada qo‘shqator qilib ekishga moslashgan uskunalar bilan jihozlanmoqda. Shuningdek, traktorlardagi qo‘shimcha funksional imkoniyatlarni kengaytirish borasida ham ish qizg‘in kechmoqda.

Qayd etish lozim, mavsumga qadar barcha texnikalar tayyor holda bo‘lishi, standartlarga mos uskunalar bilan ta’minlanishi hamda ta’mirtalab texnikalar qayta tiklanishi ustuvor vazifalar sirasiga kiradi. Bundan tashqari, kombaynlardan samarali foydalanish ham natijadorlikni oshirishda muhim omil bo‘lib xizmat qiladi.

Vazir ayni shu jihatlarga e’tibor qaratarkan, mas’ullarga ishni tashkil etishda uyushqoqlik bilan yondashish va qishloq xo‘jaligi tizimi oldida turgan masalalarga chuqurroq e’tibor qaratish lozimligini ta’kidladi. Shu bilan birga, barcha rejalashtirilgan ishlarni o‘z vaqtida va to‘g‘ri amalga oshirish kerakligini qayd etdi.

Shuningdek, mavsum davomida innovatsion tajribalarni qo‘llash, bunda tajribali mutaxassislar ishtirokini ta’minlash, o‘zaro fikr almashgan holda istiqbolli usullarni joriy etish va texnikalardan maksimal foydalanish bo‘yicha ko‘nikmalarni shakllantirish yuzasidan qator tavsiyalar berdi.