Xalqaro ilmiy-amaliy konferensiya va maqolalar tanlovi
2025-03-04 18:15:00 / Yangiliklar
Yo‘nalishlar:
Yer tuzish, kadastr va yer monitoringi
Konferensiya tili: o‘zbek, rus, ingliz.
Maqolalarni qabul qilish muddati: 5-aprel, 2025-yil
Maqolalarni rasmiylashtirish talablari:
Maqola o‘zbek (lotin alifbosi), rus (krill alifbosi) yoki ingliz tillarida bo‘lishi lozim.
Muallif(lar) (5 kishidan oshmasligi lozim) ismi, familiyasi, ish yoki o‘qish joyi, lavozimi, elektron pochta manzilini (mavjud bo‘lsa ORCID identifikatori bilan) ko‘rsatishi shart.
Maqola quyidagi tarkibga ega bo‘lishi lozim: mavzu, muallif haqida ma’lumot, annotatsiya, kalit so‘zlar, kirish, adabiyotlar tahlili, tadqiqot metodologiyasi, natijalar, xulosa va foydalanilgan adabiyotlar.
Rasmiylashtirish shartlari:
A4 format, Microsoft Word – 2003, chapdan – 3 sm, o‘ngdan – 1,5 sm, yuqori va pastdan – 2 sm.
Times New Roman, 14 shrift, qator oralig‘i 1,5, abzas 1,25.
Maqola mavzusi uch tilda, muallif ma’lumotlari kursiv bilan, annotatsiya va kalit so‘zlar 60-80 so‘zdan iborat bo‘lishi lozim.
Havolalar: [1] yoki [2, C.170] tarzida.
Adabiyotlar ro‘yxati alifbo tartibida (Times New Roman, 12 shrift, 1.0 interval).
Hajmi 3-7 bet, matn originalligi 65% dan kam bo‘lmasligi kerak.
Maqolalar tashkiliy qo‘mita tomonidan saralanadi va talabga javob bergan maqolalar to‘plam sifatida bepul chop etiladi.
📩 Maqolalarni 2025-yil 5-aprelgacha +998 94 647 87 35 telefon raqamiga Telegram orqali yuborish lozim.
📍 Manzil: O‘zbekiston, Toshkent shahri, Mirzo-Ulug‘bek tumani, “Feruza” mavze, 158-b uy.