O‘zbekiston va Argentina qishloq xo‘jaligi sohasida hamkorlikni kengaytiradi
2025-03-03 17:15:00 / Yangiliklar
Uchrashuvda bilim va texnologiyalar almashinuvi, savdo va investitsion hamkorlik masalalari muhokama qilindi.
Xususan, o‘zbekistonlik qishloq xo‘jaligi mutaxassislari, fermerlari va tadqiqotchilarining Argentinaga tashriflarini tashkil etish hamda argentinalik ekspertlarni O‘zbekistonga taklif qilish orqali tajriba almashinuvini yo‘lga qo‘yish rejalashtirildi.
Shuningdek, raqamli platformalar orqali muntazam o‘quv sessiyalari, vebinarlar va virtual seminarlar tashkil etish masalalari muhokama qilindi.
Savdo va investitsion hamkorlik doirasida O‘zbekistonning quritilgan mevalari, jumladan, mayiz va quritilgan olxo‘ri eksportini yo‘lga qo‘yish, shuningdek, Argentinadan yuqori hosildor mevali daraxt ko‘chatlarini olib kelish bo‘yicha kelishuvga erishildi.
Uchrashuv yakunida ushbu tashabbuslarni o‘z ichiga olgan oziq-ovqat va qishloq xo‘jaligi sohasida hamkorlik to‘g‘risidagi memorandumni ishlab chiqish va imzolash bo‘yicha kelishuvga erishildi.