Sifatli agrotexnik tadbirlar – yuqori natijadorlik garovi
2025-03-01 16:00:00 / Yangiliklar
Qishloq xo‘jaligi vazirligi huzuridagi Qishloq xo‘jaligi ekinlari navlarini sinash markazi direktori O. Matyakubov Qashqadaryo viloyatining Shahrisabz, Mirishkor, Qarshi va Qamashi tumanlaridagi nav sinash stansiya va uchastkalarida bo‘ldi.
Viloyatda 2025-yil hosili uchun boshoqli don ekinlarining 29 ta navi sinovdan o‘tkazilmoqda. Shuningdek, g‘o‘zaning 11 ta navini konkurs sinoviga ekish rejalashtirilgan.
Shahrisabz nav sinash stansiyasida 5 gektar maydonda intensiv bog‘ yaratish maqsadida 6 000 ta o‘rik, shaftoli va olxo‘ri ko‘chatlari ekishga tayyorlandi. Fevral oyida amalga oshirilgan bu ishlar kelgusi hosildorlikka ijobiy ta’sir ko‘rsatishi kutilmoqda.
Shuningdek, markaz direktori mahalliy va xorijiy g‘o‘za navlarini konkurs va ishlab chiqarish sinovi hamda ko‘rgazmali maydonlarni ekish bo‘yicha tegishli topshiriqlar berdi.