"Yangi Oʻzbekistonda ilm-fan qaldirgʻochlari" mavzusida ilmiy-amaliy anjuman boʻlib oʻtdi
2025-02-28 17:00:00 / Yangiliklar
Mazkur tadbirda talabalar 200 dan ortiq ilmiy maqolalar va 100 ga yaqin startap loyihalari bilan ishtirok etdi. Anjuman 9 ta shoʻbaga boʻlingan holda oʻtkazilib, eng yaxshi ilmiy maqola, loyiha va ishlanmalar taqdirlandi.
Ishtirokchilar quyidagi nominatsiyalar boʻyicha munosib ragʻbatlantirildi:
"Eng yaxshi maqola muallifi"
"Eng yaxshi gʻoya va loyihalar muallifi"
"Kreativ yoshlar jamoasi"
"Innovator talaba"
"Innovatsion texnologiyalarni qoʻllagan talaba"
"Intellektual yoshlar"
"Eng yaxshi taqdimot muallifi"
"Eng yaxshi ishlanma muallifi"
Gʻoliblar hamkor tashkilotlarning esdalik sovgʻalari, diplom va sertifikatlar bilan taqdirlandi.
Maqsad – iqtidorli yoshlarning ilmiy-tadqiqot faoliyatini rivojlantirish, bakalavriat, magistratura va doktorantura bosqichlarida tahsil olayotgan yoshlarni har tomonlama qoʻllab-quvvatlash va ularning intellektual salohiyatini roʻyobga chiqarishdan iborat.
Shuningdek, tanlov iqlim o‘zgarishiga moslashish va uning salbiy ta’sirini yumshatish, oziq-ovqat xavfsizligini ta’minlash borasida yangi innovatsion texnologiyalarni ishlab chiqish va targ‘ib qilish uchun maydon vazifasini bajardi. Iqtidorli yoshlarning ilg‘or g‘oya va loyihalarini amaliyotga tatbiq etishga ko‘maklashish ham ushbu anjumanning muhim yo‘nalishlaridan biri bo‘ldi.