Byudjet intizomi va xarajatlarni optimallashtirish bo‘yicha seminar tashkil etildi
2025-02-21 20:30:00 / Yangiliklar
Seminar videokonferensaloqa shaklida o‘tkazilib, unda Qishloq xo‘jaligi vazirligi, Hisob palatasi, Bosh prokuratura hamda Iqtisodiyot va moliya vazirligi vakillari qatnashdi.
Uchrashuv davomida 2024-yilda byudjet mablag‘larining sarflanishi va ushbu jarayon ustidan doimiy nazoratni ta’minlash borasida amalga oshirilgan ishlar atroflicha tahlil qilindi. Xususan, moliyaviy intizomni mustahkamlash, mablag‘larni maqsadli sarflash hamda davlat mablag‘larining samaradorligini oshirish yo‘nalishlarida erishilgan natijalar muhokama etildi.
Shuningdek, seminar davomida 2025-yil uchun belgilangan vazifalar muhokama qilinib, byudjet mablag‘laridan yanada samarali foydalanish bo‘yicha taklif va tavsiyalar ishlab chiqildi.
Shuningdek, tadbir so'nggida davlat xarajatlarini yanada shaffof va samarali boshqarish, moliyaviy nazorat tizimini takomillashtirish hamda tegishli chora-tadbirlarni amalga oshirish masalasi belgilab olindi.