O‘zbekiston Respublikasi Qishloq хo‘jаligi vаzirligi

Nihollarning qurib qolishi, ayniqsa, sug‘orish tizimi yo‘q yoki noto‘g‘ri tashkil etilgan hududlarda ko‘proq kuzatiladi. Sug‘orish yetarli bo‘lmasa, tuproq quruq bo‘lib, ko‘chat ildizlari yetarlicha oziqa ololmaydi. Buni oldini olish uchun tomchilatib sug‘orish tizimidan foydalanish va tuproq namligini doimiy nazorat qilish zarur.

Ko‘chatlarning sifatsizligi va ildiz tizimining shikastlanishi ham muhim omil bo‘lib, ular qazish, tashish va ekish jarayonida noto‘g‘ri saqlansa, ildizlari sovuq, shamol va quyosh nuri ta’sirida zararlanib, o‘sishdan to‘xtashi mumkin. Shu bois ko‘chatlarning ildiz qismini nam holatda saqlash tavsiya etiladi.

Iqlim sharoiti ham nihollarning moslashish jarayoniga bevosita ta’sir ko‘rsatadi. Issiq va quruq ob-havoda tuproq namligini saqlash uchun mulchalash ishlari olib borilishi, sovuq tushish xavfi bo‘lsa, ko‘chatlar yopiq holda saqlanishi kerak. Kasalliklar va zararkunandalar ham niholning qurib qolishiga sabab bo‘lishi mumkin.

Qo‘ziqorin kasalliklari va ildiz chirishining oldini olish uchun tuproqni dezinfeksiya qilish va profilaktik fungitsidlar bilan ishlov berish tavsiya etiladi. To‘g‘ri agrotexnik yondashuv orqali nihollarning o‘sish jarayonini yaxshilash va ko'rkam bog‘ barpo etish mumkin.