Lalmi maydonlarda no‘xat yetishtirish zamonaviy yondashuvni talab etadi
2025-02-26 21:00:00 / Yangiliklar
Mazkur topshiriq ijrosi yuzasidan bugun Samarqand viloyati Bulung'ur tumanida Qishloq xo‘jaligi vazirligi mas’ullari tomonidan “Lalmi maydonlarida no‘xat yetishtirishda ilg‘or texnologiyalarni qo‘llash va mineral o‘g‘itlardan oqilona foydalanish” bo‘yicha ko‘rgazmali o‘quv-seminar o‘tkazildi.
Unda tegishli tuman hokimi o‘rinbosarlari, tashkilot rahbarlari, yirik no‘xat yetishtiruvchi xo‘jaliklar hamda no‘xatni qayta ishlovchi va eksport qiluvchi korxona rahbarlari, jami 200 nafarga yaqin soha mutaxassislari ishtirok etishdi.
Seminarda soha mutaxassislari lalmi sharoitda urug‘chilik xo‘jaliklarini tashkil etish hamda urug‘lik no‘xat yetishtirish tizimini yo‘lga qo‘yish, lalmi sharoitda yetishtirilgan no‘xat o‘simligida uchraydigan kasallik va hasharotlar hamda ularga qarshi kurashish choralari, no‘xat urug‘ligini saralash va kimyoviy preparatlar bilan dorilash hamda ekishga yer tayyorlash, ekish muddatlari, sxemasi, urug‘lik sarfi hamda lalmi sharoitida yetishtirilgan no‘xat hosilini o‘rib-yig‘ib olish usullari to‘g‘risida o‘z bilim va ko‘nikmalarini hamda yangicha yondashuvlarini fermer-dehqonlarga ulashdi.