O‘zbekiston Respublikasi Qishloq хo‘jаligi vаzirligi

Unda O‘zbekiston Respublikasi Prezidenti huzuridagi Paxtachilik kengashi a’zolari, sohaga aloqador tashkilotlar rahbarlari hamda vazirlik markaziy apparati vakillari ishtirok etdi.

Yig‘ilishda hududlardagi urug‘chilik markazlarida 2025-yil hosili uchun ekiladigan urug‘lik chigitlarni tayyorlash jarayoni, xorijdan keltirilayotgan g‘o‘za urug‘liklarining sifati va baraka urug‘larini ekish uchun ajratilgan maydonlarning mavsumga tayyorligi muhokama qilindi.

Vazir yaqin kunlarda urug‘lik chigitlarni ekish mavsumi boshlanishini ta’kidlab, chigit va yer maydonlarini tayyorlash ishlarini jadallashtirish zarurligini qayd etdi. Xorijiy navlar ekiladigan hududlarda qochoq maydonlarni belgilash, ishlarni tez fursatda yakunlash lozimligi ko‘rsatib o‘tildi.

Shuningdek, yig‘ilishda g‘o‘za urug‘lari eksportini jonlantirish, xorijdan keltirilayotgan navlarni tekshiruvdan o‘tkazish ishlarini jadallashtirish bo‘yicha ishchi guruhlar tuzish va ularning faoliyatini muvofiqlashtirish yuzasidan tegishli topshiriqlar berildi.

Vazir agrar sohaning mamlakat iqtisodiyoti va oziq-ovqat xavfsizligidagi o‘rniga to‘xtalar ekan, sohaga aloqador har bir xodim o‘z mas’uliyatini chuqur anglab, fidokorona mehnat qilishi zarurligini ta’kidladi.

Yig‘ilish yakunida Prezident Administratsiyasi va Vazirlar Mahkamasidan kelib tushgan hujjatlar ijrosini o‘z vaqtida ta’minlash bo‘yicha vazirlik markaziy apparati rahbarlariga aniq topshiriqlar berildi.