O‘zbekiston Respublikasi Qishloq хo‘jаligi vаzirligi

Tomchilatib sug‘orishda boshqa har qanday sug‘orish usuliga nisbatan ildiz tizimlari yaxshi rivojlanadi va tomchilatgich yaqinida ular zich joylashadi. Oddiy sug‘orishda esa, ildizlar namlik uchun chuqurroqqa intiladi.

Boshqa sug‘orish usullari o‘rniga tomchilatib sug‘orishni qo‘llaganga ildiz tizimi bunga tez va faol ko‘nikadi. Chunki, tomchilatib sug‘orish namlik va ozuqani yetkazib berishni osonlashtiradi.

Masalan, dala ekinlari tomchilatib sug‘orilganda, ekin ildizlarining atrofigina namlanishi natijasida dalada begona o‘tlar deyarli rivojlanmaydi va ularga qarshi kurash tadbirlari uchun xarajatlar ham kamayadi.

Tomchilatib sug‘orish tizimi yo‘lga qo‘yilsa, mavsum davomida qatorlar oralig‘i quruq bo‘lib, tuproqqa ishlov berish va hosilni yig‘ib olish ishlarini sug‘orishga bog‘liq bo‘lmagan holda tuproq tuzilishiga ta’sir ko‘rsatmasdan o‘tkazish mumkin.

Tomchilatib sug‘orishning qo‘shimcha afzalliklari:

➖mahsulot birligiga kam suv sarflab yuqori hosil yetishtiriladi;

➖suv isrofini keskin kamayadi;

➖shamol namlikning tarqalishiga yoki bug‘lanishiga ta’sir ko‘rsatmaydi;

➖o‘g‘itlarni tomchilatib sug‘orish tizimi orqali o‘simlik ildizi joylashgan qatlamga berish mumkin;

Tomchilatib sug‘orish davrida mineral o‘g‘itlarning berilishi tuproqda qulay ozuqa rejimini ta’minlaydi.

Maqbul suv, ozuqa va havo rejimlarining mavjudligi natijasida o‘simliklar bir tekisda o‘sadi va rivojlanadi.