Santa-Gertruda – iqlimga moslashgan yirik qoramol
2025-02-20 20:00:00 / Yangiliklar
Sigirlarining vazni – 550-650 kg, buqalarning vazni – 900-1200 kg, go‘sht uchun boqilgan novvoslar – 15 oyligida 500-550 kg gacha yetadi.
Santa-Gertruda zotli qoramollar Amerika va Afrikaning 40 dan ortiq mamlakatlarida keng tarqalgan. Rossiya va Qozog‘istonga 1956-yilda, O‘zbekistonga esa ilk bor 1967-yilda 80 bosh qoramol olib kelingan.
O‘zbekistonda bu zotni sof holda urchitish va mahalliy mollar bilan chatishtirish ishlari Jizzax viloyatining Baxmal tumani (hozirgi A. Usanov nomidagi xo‘jalik) tog‘oldi hududlarida professor U. Nosirov rahbarligida amalga oshirilgan.
Natijada naslchilik podasi yaratilgan, qoramollar soni 3,5 ming boshga yetkazilgan, buqalarning 3 ta qarindosh guruhi va sigirlarning 20 dan ortiq oilasi shakllantirilgan.
Bugungi kunda Santa-Gertruda zotli qoramollar Qoraqalpog‘iston Respublikasi, Farg‘ona va Andijon viloyatlaridagi xo‘jaliklarda yetishtirilmoqda.