Har bir xodim o‘z ishiga mas’uliyat va vijdonan yondashsagina natijadorlik ko‘lami kengayadi
2024-10-16 16:00:00 / Majlislar
Unda vazir o‘rinbosarlari, departament va boshqarma boshliqlari, tizim tashkilot rahbarlari ishtirok etdi.
Yig‘ilishda joriy yilgi paxta terish mavsumini ortiqcha talafotlarsiz, bekam-ko‘st o‘tkazish, bunda mazkur jarayonda yo‘l qo‘yilgan kamchiliklar keltirib chiqaradigan salbiy jihatlar, ularni bartaraf etish bo‘yicha zudlik bilan choralar ko‘rish kerakligi ta’kidlab o‘tildi. Shuningdek, elektron tarozining "Agroplatforma.uz" tizimiga integratsiya qilinishi va bunda uzilishlarga yo‘l qo‘ymaslik uchun mutasaddilarga tegishli ko‘rsatmalar berildi.
Binobarin, Ayrim paxta qabul qilish maskanlarida "Agroplatforma.uz" bilan raqamlashtirilgan holda sinxronizatsiya qilishga e’tibor qaratilmagani, bugun bu maskanlarga olib kelib topshirilayotgan paxtalarning hisobini olish va uning tizimga shaffof kiritilishi asosiy masalalardan biri ekanligi ta’kidlab o‘tildi.
Shuningdek, kuzgi bug‘doy ekish ishlarining joriy holati ham muhokama etildi. Vazir o‘z navbatida, bug‘doyni erta ekish kerakligi, aksincha kech ekilgan hollarda ildiz otishga ulgurmasligi, qishga kuchsiz holatda kirishi va buning oqibatida nihollarning 10-15 foizi nobud bo‘lishini qayd etdi.
Shuningdek, yig‘ilishda bog‘dorchilik sohasiga ham to‘xtab o‘tildi. Bu borada joylarda amalga oshirilayotgan loyihalarning joriy holati muhokama qilindi. Yo‘l qo‘yilgan kamchiliklarni zudlik bilan bartaraf etgan holda, ijobiy natijalarga erishish borasida mas’ullarga bir qator topshiriqlar berib o‘tildi.
Bundan tashqari yig‘ilish davomida ijro intizomi masalalariga ham to‘xtalib o‘tildi. Qonunchilik hujjatlari va topshiriqlar loyihalari tayyorlanishi ustidan shaxsiy nazoratni tashkil etish, ushbu hujjatlarni ijrochilarga tezkor yetkazilishi, mazkur hujjatlar ijrosi amalda nazorat qilinishini shaxsan tashkil etish hamda o‘z vaqtida, to‘liq va natijali ijro etilishini ta’minlash ijro intizomini mustahkamlashdagi asosiy vazifalardan biri ekani ta’kidlandi.
Yig‘ilish yakunida yuqorida muhokama qilingan masalalar yuzasidan kamchiliklarni bartaraf etish hamda amalga oshirilishi lozim bo‘lgan ishlar doirasida mas’ullarga topshiriqlar berildi.