Qashqadaryo: anjirning bir tupidan 80 kilogrammgacha hosil olinmoqda
2024-09-22 16:05:00 / Yangiliklar
Binobarin, amaliy tashrif bilan Qashqadaryo viloyatida bo‘lib turgan vazir Ibrohim Abdurahmonov anjir plantatsiyasini ko‘zdan kechirgani ham bejiz emas.
"Qo‘chqorov Nazir" fermer xo‘jaligiga qarashli mazkur anjirzor 2 gektar hududda barpo etilgan bo‘lib, har bir tupidan o‘rtacha 70-80 kilogrammgacha hosil terib olinmoqda. Asosan mahalliy bozorni ta’minlash maqsadida yetishtirilayotgan bu anjirzorni kelgusida yanada kengaytirish ko‘zda tutilgan.
Vazir anjirzorni ko‘zdan kechirar ekan, hosildorlikni yanada oshirish, bunda qilishini lozim bo‘lgan agrotexnik tadbirlar va uning ahamiyati xususida o‘z takliflarini berdi
Aytish kerak, kelgusida mamlakatimizda 8 ming gektar hududda anjirzor barpo etish ko‘zda tutilgan bo‘lib, shundan 1000 gektari Qashqadaryo hissasiga to‘g‘ri keladi. Sababi Qashqadaryo iqlimi ayni anjir yetishtirishga mos.
Shu o‘rinda aytish lozimki, intensiv bog‘lar ko‘payib, hosildorligi yildan-yilga ortib borayotgani aholini yil davomida sarxil mevalar bilan ta’minlash imkonini beradi.
Zero, aholi farovonligi, dehqonlarning moddiy ahvoli yaxshilanib, daromadlari oshishi bugungi islohotlarga bog‘liq. To‘g‘ri-da, yurt farovonligini o‘ylagan xalqimizning jipsligi ham aynan mana shunda mujassam.