Qashqadaryo: hosil sifati sara urug‘ga bog‘liq
2024-09-22 12:00:00 / Yangiliklar
Mazkur korxonaning birgina Qarshi tumanida 300 gektar yeri mavjud bo‘lib, 10 gektarlik konturda paxtaning "Ravnaq 2" navi ekilgan.
Ayni paytda urug‘lik paxtani terib olish ishlari jadal olib borilmoqda. Paxta dalalarini kezar ekansiz, mamlakat agrar sohasining asosiy tarmog‘i hisoblangan paxtachilikni isloh qilish yuzasidan olib borilayotgan tizimli ishlar samarasiga guvoh bo‘lasiz.
Dala maydonlarini ko‘zdan kechirgan vazir agrotexnik tadbirlarning yaxshi darajada bajarilganligi, fermer xo‘jaligiga qarashli dalda maydonidagi paxtaning holati a’lo darajada ekanini e’tirof etdi.
Binobarin, kelgusi yil hosili uchun 76 sxemada tomchilatib sug‘orish asosida plyonka ostiga qo‘shqator qilib ekish orqali hosildorlikni karrasiga oshirish, shuningdek, ilmiy yondashuv asosida ilg‘or va zamonaviy qishloq xo‘jaligi agrotexnologiyalarini ishlab chiqish borasida o‘z takliflarini berib o‘tdi.
Shundan so‘ng yondosh hududda joylashgan 10 gektarlik kontur ham ko’zdan kechirildi. Bu yerda ham mahalliy “Ravnaq 2” navi ekilgan bo’lib, bu yerda ham urug’lik uchun paxtani terib olish ishlari amalga oshirilmoqda.
Albatta sifatli hosil olishda sara urug’lik muhim ahamiyat kasb etadi. O’z vaqtida amalga oshirilgan islohotlar va agrotexnik tadbirlar o’z natijasini ko’rastgani mazkur dala maydonida ham ko’rinib turibdi.
Aytish mumkinki, paxtaning bo’liq shaklda ochilgani va hosildorlikning yuqori bo’lishi O‘zbekistonda olib borilayotgan qishloq xo‘jaligi islohotlari, shuningdek, to‘g‘ri agrotexnik tadbirlarning natijasi sifatida e’tirof etish mumkin.
Ayniqsa, paxtani parvarishlash va uni sifatli yetishtirishda amalga oshirilgan tizimli yondashuvlar hosildorlikni sezilarli darajada oshirishga yordam bermoqda.
Mazkur korxonaning dalasi ham Qarshi tumanida joylashgan bo’lib 40 gektarlik maydonni egallagan. Shiypon hududi obodonlashtirilgan holda konturlarga bo’libgan bo’lib, anjir, uzum, qovoq, anor, shaftoli, olma va yong’oq ko’chatlari ekilgan.
Xo‘jalik rahbarlari nafaqat paxta dalasi, balki shiypon hududini ham omilkorlik bilan obodonlashtirganini ko’zni quvontiradi. Albatta, omilkorlik tadbirkorlik bilan bevosita bog‘liq ekani bu yerda ham o’z natijasini ko‘rsatgan.
Vazir shu yerning o’zida viloyat hokimi Murodjon Azimov bilan istiqbolli loyihalar va klaster faoliyati bilan muloqot qildi. Unda bugun agrar sohada amalga oshirilayotgan islohotlar, istiqbolli loyihalarni jadallashtirish, iqlim sharoitidan kelib chiqqan holda an’anaviy ekin turlarini yetishtirish borasida fikrlar almashildi.