Boyovut dalalarida hosil taqdiri va ekologik madaniyat masalalari muhokama qilindi
2026-09-15 10:45:00 / Yangiliklar
15 gektarlik maydonda paxta to‘liq ochilish fazasida ekani inobatga olinib, oxirgi bosqich desikatsiya ishlari yakunlanganidan so‘ng gektariga 20 litrdan XMD preparati bilan ishlov berish tavsiya etildi.
Ibrohim Abdurahmonovning ta’kidlashicha, g‘o‘za poyalari batamom qurib, undagi ozuqa moddalari hosilga to‘liq o‘tgandan so‘ng terimni tashkil etish muhim. Bu agrotexnik talablarga rioya qilinganda gektariga yana 20 sentnergacha qo‘shimcha hosil olish mumkinligi qayd etildi.
Tashrif davomida dala cheti madaniyatini shakllantirish, yo‘l chetlaridagi plastik idishlar yig‘ilishiga qarshi kurashish va atrof-muhitni obod saqlash masalalariga ham alohida e’tibor qaratildi.
Shu maqsadda ishlab chiqilgan namunaviy loyiha doirasida yo‘l chetlariga o‘rnatiladigan maxsus moslamalar ko‘zdan kechirildi. Ularni yanada takomillashtirish, yo‘lovchilar uchun qulayligini oshirish va amaliyotga samarali joriy etish bo‘yicha mas’ullarga tavsiyalar berildi.
Shuningdek, mazkur moslamalarni yo‘l chetidagi dalalarda qo‘llash, ulardan foydalanishni tashkil etish yuzasidan mas’ullarga aniq topshiriqlar berildi.