O‘zbekiston Respublikasi Qishloq хo‘jаligi vаzirligi

Masalan, qora saksovul. U cho‘l va yarim cho‘l zonalariga moslashgan, ildizlari chuqur bo‘lib, tuproqni shamol eroziyasidan himoya qiladi. O‘simlik tuproqning namligini saqlashga yordam beradi va atrof-muhitga moslashtirilgan holda o‘zini o‘zi yangilab turadi. Saksovul ildiz tizimi orqali cho‘llanish jarayonini sekinlashtiradi va cho‘l o‘simliklarining rivojlanishiga yordam beradi.

"Atriplex" turkumiga kiruvchi o‘simliklar ham qurg‘oqchil hududlarga moslashgan va sho‘r yerlarni yaxshi o‘zlashtiradi. Bu turdagilar cho‘l hududlarida eroziyani kamaytirish va tuproqni barqarorlashtirishda samarali hisoblanadi. Shuningdek, sho‘rlanish jarayonini bartaraf etish va yerning unumdorligini saqlashda muhim o‘rin tutadi.

Bu borada zaytun daraxtlari eslamaslik mumlik emas. Bu daraxt qurg‘oqchil va cho‘l hududlarida yaxshi o‘sadi. Ular eroziyani bartaraf etib, cho‘l zonalarida ko‘kalamzorlashtirish loyihalarida keng qo‘llaniladi. Zaytun daraxti tuproqni mustahkamlash orqali shamol va suv muammosiga qarshi kurasha oladi.

Yantoq ham bunday vaziyatda juda samarali hisoblanadi. U qurg‘oqchil iqlim va cho‘l sharoitlariga moslashgan o‘simlik bo‘lib, tuproqni shamol eroziyasidan himoya qilish va cho‘l zonalarida tuproqning qayta tiklanishiga yordam beradi. Yantoq tuproq unumdorligini oshiradi, suvsizlik holatida ham yerni sifat darajasida saqlab tura oladi.

Yuqorida keltirilgan o‘simliklar singari qoraqarag‘ay daraxti ham suvsizlikka juda bardoshli. Bu daraxt quruq sharoitlarda yaxshi o‘sadi va cho‘lni o‘rmonlashtirishda muhim rol o‘ynaydi. Uning chuqur ildiz tizimi tuproqni shamol va suvsizlikdan himoya qiladi.

Agava (agave) ham xuddi shunday. U suvni saqlash xususiyatiga ega bo‘lgan cho‘l o‘simligi bo‘lib, u juda qurg‘oqchil hududlarda o‘sadi, yer eroziyasini kamaytiradi, cho‘l hududlarida ekologik barqarorlikni ta’minlashda muhim hisoblanadi. Bu turdagi o‘simliklar cho‘l hududlarini qayta tiklashga xizmat qiladi.