O‘zbekiston Respublikasi Qishloq хo‘jаligi vаzirligi

Qoraqalpog‘iston Respublikasiga amalga oshirilayotgan tashrif  doirasida vazir dastlab Beruniy tumanidagi “O‘razimbetov Ne’matjon” fermer xo‘jaligida bo‘ldi.

Umumiy yer maydoni 172,3 gektarni egallagan fermer xo‘jaligi asosan paxta, g‘alla,  sabzavot va poliz mahsulotlarini ekishga ixtisoslashgan. Shundan 31 gektar maydon takroriy ekin yetishtiriladigan hudud sifatida, kartoshka, sabzi, tarvuz, mosh, hamda kungaboqar uchun ajratilgan bo‘lib, hududning 12 gektar maydonda kungaboqar plantatsiyasi yo‘lga qo‘yilgan.

Vazir kungaboqar plantatsiyasini ko‘zdan kechirar ekan, eng avvalo, yomg‘irlatib sug‘orish texnologiyasining o‘rni va ahamiyati, bunda hosildorlikni karrasiga oshishi hamda tuman oziq-ovqat xavfsizligini ta’minlashda ayni texnologiyalarning o‘rni haqida o‘z takliflarini o‘rtaga tashladi.

Binobarin, mazkur mahsulotning yetishtirilishi import o‘rnini bosuvchi va eksportbop yog‘ mahsulotlarini ishlab chiqarish va qayta ishlashni yanada rag‘batlantirish, pirovardida aholi farovonligini yuksaltirish va daromadlarini ko‘paytirishda asosiy qishloq xo‘jaligi mahsulotlaridan beri ekanini e’tirof etdi.

Bunga albatta barcha imkoniyatlar yetarli, ilm, bilim va innovatsiya tumanda yetishtirilayotgan mahsulotlar sifatini yangi bosqichga yetishtirish va unumdorligini oshirishda muhim ahamiyat kasb etadi.

Zero, mamlakatimiz agrar sohasida amalga oshirilayotgan islohotlar davlatimiz rahbari tomonidan agrar soha mutasaddilari oldiga qo‘yilayotgan vazifa va belgilab berilayotgan topshiriqlar ham aynan qishloq xo‘jaligining rivoji, yurtdoshlarimizning farovon hayot kechirishlarini ta’minlashda muhim omil bo‘lib xizmat qiladi.