O‘zbekiston Respublikasi Qishloq хo‘jаligi vаzirligi

Muloqot davomida O‘zbekiston hududida zamonaviy ko‘chat yetishtirish pitomnigini tashkil etish, ilg‘or agrotexnologiyalarni joriy qilish hamda eksportbop meva navlarini mahalliy agroiqlim sharoitlariga moslashtirish masalalari muhokama qilindi.
 

Xususan, yuqori hosildor va bozorbop olma navlari, jumladan, “Pink Lady” hamda boshqa istiqbolli navlarni yetishtirish va ko‘paytirish bo‘yicha hamkorlik imkoniyatlariga alohida e’tibor qaratildi. Ushbu navlarning O‘zbekistonning turli agroiqlim sharoitlariga moslashuvchanligini o‘rganish, tajriba-sinov maydonlarida sinovdan o‘tkazish hamda istiqbolli navlarni keng joriy etish bo‘yicha takliflar bildirildi.
 

Shuningdek, Jizzax viloyatida zamonaviy pitomnik va intensiv bog‘lar tashkil etish loyihaning istiqbolli yo‘nalishlaridan biri sifatida ko‘rib chiqildi. Hududning yer-suv resurslari, agroiqlim sharoiti va infratuzilma imkoniyatlaridan samarali foydalanish, yuqori sifatli va sertifikatlangan ko‘chatlar yetishtirish hamda intensiv bog‘lar barpo etish imkoniyatlari muhokama qilindi.
 

Hamkorlik doirasida serbiyalik mutaxassislarning ilg‘or tajribasini O‘zbekiston amaliyotiga transfer qilish, zamonaviy payvandlash texnologiyalarini joriy etish, sifatli payvandtaglar va sertifikatlangan ko‘chatlar ishlab chiqarishni yo‘lga qo‘yish, shuningdek, mahalliy mutaxassislarning malakasini oshirish masalalari ham ko‘rib chiqildi.
 

Uchrashuv yakunida loyiha konsepsiyasini ishlab chiqish, Jizzax viloyatida loyihani amalga oshirish uchun maqbul yer maydonlarini aniqlash hamda O‘zbekistonda zamonaviy meva ko‘chatlari yetishtirish bazasini yaratish bo‘yicha hamkorlikni davom ettirishga kelishib olindi.
 

Mazkur hamkorlik intensiv bog‘dorchilikni rivojlantirish, sifatli va sertifikatlangan ko‘chatlar yetishtirishni kengaytirish, shuningdek, yetishtirilgan mahsulotlarning ichki va tashqi bozorlarga chiqish imkoniyatlarini oshirishga xizmat qiladi.