Kasbiy ma’rifat soati: paxtachilikda yuqori hosildorlikka erishishning 8 ta asosiy qonuni muhokama qilindi
2026-08-07 12:20:00 / Yangiliklar
Bugun vazirlik markaziy apparati xodimlari uchun navbatdagi “Kasbiy ma’rifat soati” tashkil etildi.
Tadbir davomida Urug‘chilik va yangi seleksiya navlari bo‘limi boshlig‘i Muxtor Darmonov tomonidan “Paxtachilikda yuqori hosildorlikka erishishning 8 ta asosiy qonuni” mavzusida ma’ruza qilindi.
Ma’ruzada yuqori hosildorlikni ta’minlashning ilmiy asoslari, sifatli urug‘likdan foydalanish, zamonaviy seleksiya navlarini joriy etish, agrotexnik tadbirlarni o‘z vaqtida va sifatli amalga oshirish, o‘simliklarni oziqlantirish, sug‘orish, zararkunanda va kasalliklarga qarshi kurashish hamda hosilni yo‘qotishsiz yig‘ib olish bo‘yicha muhim tavsiyalar berildi.
Shuningdek, paxtachilikda ilm-fan va amaliyot uyg‘unligini ta’minlash, zamonaviy agrotexnologiyalarni keng qo‘llash hamda har bir agrotexnik tadbirni belgilangan muddatlarda bajarish orqali hosildorlik va iqtisodiy samaradorlikni oshirish masalalariga alohida e’tibor qaratildi.
Tadbir davomida ishtirokchilar bilan mavzu yuzasidan fikr almashilib, paxta yetishtirishda ilmiy yondashuvni kuchaytirish, resurslardan oqilona foydalanish va yuqori hosildorlikka erishishning ustuvor yo‘nalishlari muhokama qilindi.
Yakunda xodimlarning savollariga javob berilib, paxtachilikda ilg‘or tajribalarni ommalashtirish va zamonaviy agrotexnologiyalarni amaliyotga keng joriy etish bo‘yicha tavsiyalar bildirildi.