O‘zbekistonda Koreya kompaniyasi bilan hamkorlikda kichik va katta hajmdagi texnikalar hamda texnologiyalarni ishlab chiqarish yo‘lga qo‘yiladi
2024-08-30 20:50:00 / Yangiliklar
Uchrashuvda ikki mamlakat o‘rtasida qishloq xo‘jaligi bo‘yicha hamkorlik aloqalarini rivojlantirish, hamkorlikning har ikki tomon uchun ham birdek manfaatli yo‘nalishlari amalga oshiriladigan loyihalarning istiqbollari bo‘yicha takliflar o‘rtaga tashlandi.
Uchrashuv davomida, “Hyundai Agricultural Machinery” kompaniyasi tomonidan ishlab chiqariladigan kichik va katta hajmdagi kartoshka, piyoz, sabzi va boshqa ekinlarni qazib oladigan texnikalar hamda qayta ishlash, qadoqlash, saqlash texnologiyalari bo‘yicha faoliyat yuritishi ma’lum qilindi.
Uchrashuv chog‘ida tomonlar o‘rtasida Koreya kompaniyasining kartoshka, piyoz, sabzi va boshqa ekinlarni qazib oladigan texnikalari hamda qayta ishlash, qadoqlash, saqlash texnologiyalari yuzasidan O‘zbekiston qishloq xo‘jaligiga joriy etish masalalari ham muhokama etildi.
Uchrashuv so‘ngida kompaniya tomonidan kartoshka, piyoz, sabzi va boshqa ekinlarni qazib oladigan texnikalari hamda qayta ishlash, qadoqlash, saqlash texnologiyalarini mahalliy ishlab chiqaruvchilar bilan hamkorlikda Koreya standartlari asosida ishlab chiqarishni yo‘lga qo‘yishga kelishib olindi.