O‘zbekiston Respublikasi Qishloq хo‘jаligi vаzirligi

Yig‘ilishda O‘zbekiston Respublikasining 2012-yil 2-maydagi "Tadbirkorlik faoliyati erkinligining kafolatlari to‘g‘risida"gi Qonunining 4-moddasiga asosan davlat organlari ularning mansabdor shaxslari, shuningdek, tadbirkorlik faoliyati bilan shug‘ullanishi qonunchilikda man etilgan boshqa shaxslar tadbirkorlik faoliyati subyektlari bo‘lishi mumkin emasligi haqida so‘z yuritildi.

Shuningdek, yig‘ilishda O‘zbekiston Respublikasining 2022-yil 8-avgustdagi "Davlat fuqarolik xizmati to‘g‘risida"gi Qonunining 13-moddasida ko‘rsatilgan talablar davlat fuqarolik xizmatchisi tadbirkorlik faoliyati bilan shug‘ullanish taqiqlangani haqida to‘xtalib o‘tildi.

Yig‘ilish davomida “Davlat fuqarolik xizmati to‘g‘risida”gi qonun bilan davlat fuqarolik xizmatchilarining odob-axloq qoidalariga ham alohida urg‘u berilgani, unga ko‘ra, har bir davlat organi davlat fuqarolik xizmatchilarining odob-axloq qoidalari asosida faoliyatining o‘ziga xos xususiyatlarini hisobga olgan holda o‘zining ichki odob-axloq qoidalarini tasdiqlashi va davlat fuqarolik xizmatchilarining odob-axloq qoidalarini buzish ularni qonunga muvofiq intizomiy va boshqa javobgarlikka tortish uchun asos bo‘lishi haqida ta’kidlab o‘tildi.