O‘zbekiston-Hindiston: bir qancha yo‘nalishlarda hamkorlik aloqalari
2024-08-02 21:20:00 / Yangiliklar
Bugungi kun talabi sifatida qishloq xo‘jaligi sohasida har bir davlat bilan o‘zaro hamkorlik aloqalarini rivojlantirish, investorlarni jalb qilish muhim masalalardan biriga aylanib ulgurgan.
Shu bois, Qishloq xo‘jaligi vaziri Ibrohim Abdurahmonov Hindistonning O‘zbekistondagi Favqulodda va muxtor elchisi Smita Pant bilan uchrashdi.
Uchrashuvda ikki tomonlama hamkorlikni rivojlantirish hamda kengaytirish, meva-sabzavot eksportini jadallashtirish muhim ekanligi, shuningdek, ilmiy- tadqiqot institutlari o‘rtasida hamkorlik aloqalari, ikki davlat agrar soha olimlari o‘rtasida tajriba almashishni yo‘lga qo‘yish borasida fikr almashildi.
Shuningdek, ikki davlat o‘rtasida logistika borasidagi muammoli masalalarni tez fursatlarda yechish kerakligi ta’kidlab o‘tildi va bu borada amalga oshirilishi lozim bo‘lgan ishlar yuzasidan ishchi guruh faoliyatini shakllantirish bo‘yicha mas’ullarga tegishli topshiriqlar berildi.