O‘zbekiston Respublikasi Qishloq хo‘jаligi vаzirligi

O‘zbekiston Respublikasi Vazirlar Mahkamasining 2026-yil 18-martdagi 109-son qarori hamda uning 2-ilovasi 8-bandi ijrosini ta’minlash maqsadida vazirlikda muhim tashabbus joriy etildi.

Mazkur qarorga muvofiq, respublika va mahalliy ijro etuvchi hokimiyat organlari faoliyatida ish jarayonlarini raqamlashtirishni kengaytirish, shuningdek, qog‘ozdan foydalanishni bosqichma-bosqich qisqartirish choralari amalga oshirilmoqda.
 

Shu munosabat bilan, vazirlikda har oyning so‘nggi jumasida “Qog‘ozsiz bir kun” ekoaksiyasini o‘tkazish tartibi belgilandi.
 

Ushbu tashabbus doirasida:

• barcha ichki va tashqi hujjatlar to‘liq elektron shaklda yuritiladi;

• qog‘oz hujjatlardan foydalanish maksimal darajada cheklanadi;

• raqamli boshqaruv tizimlari samaradorligi oshiriladi;

• ekologik barqarorlikni ta’minlashga hissa qo‘shiladi.
   

Mazkur ekoaksiya davlat organlarida zamonaviy boshqaruv tizimini rivojlantirish, raqamli transformatsiyani jadallashtirish hamda “yashil ofis” tamoyillarini joriy etishga xizmat qiladi.