O‘zbekiston Respublikasi Qishloq хo‘jаligi vаzirligi

Video-konferens-aloqa shaklida o‘tkazilgan seminarda viloyat va tuman hokimlarining qishloq va suv xo‘jaligi masalalari bo‘yicha o‘rinbosarlari, soha mutasaddilari, ilmiy-tadqiqot institutlari vakillari, hududiy rahbarlar hamda fermer xo‘jaliklari ishtirok etdi.

Seminar avvalo Xorazm sharoitida yerlarni ekinga tayyorlash, sho‘r yuvish hamda bog‘dorchilikka oid zamonaviy yondashuvlar bayoni bilan boshlandi.

Shundan so‘ng bug‘doyning unuv davri, ekinlarni parvarishlash jarayonlari hamda hosildorlikka xavf tug‘dirishi mumkin bo‘lgan zang kasalligi va shira kabi zararkunandalarga qarshi kurashish masalalariga alohida e’tibor qaratildi.

Shuningdek, tadbir davomida qishloq xo‘jaligida amalga oshirilayotgan islohotlar, ilmiy yondashuvni kuchaytirish, hosildorlikni oshirish hamda mavjud resurslardan samarali foydalanish masalalari atroflicha muhokama qilindi.

Ayniqsa, paxta yetishtirishda diversifikatsiya jarayonlarini kengaytirish, zamonaviy ekish texnologiyalarini joriy etish, urug‘chilik tizimidagi yangiliklar hamda kartoshkachilik yo‘nalishini rivojlantirish istiqbollari yuzasidan fikr almashildi.

Vazir o‘z navbatida agrar sohada yuqori samaradorlikka erishishda ilm-fan yutuqlarini amaliyotga keng joriy etish muhim ahamiyatga ega ekanini ta’kidladi. Shuningdek, fermerlarga agrotexnik tadbirlarni ilmiy asosda tashkil etish, hosildorlikni oshirish va ishlab chiqarish samaradorligini yuksaltirish bo‘yicha zarur tavsiyalar berdi.

Tadbir yakunida sayyor qabul tashkil etilib, fermerlarning taklif va murojaatlari tinglandi. Ayrim masalalar joyida hal etildi, ayrim murojaatlar yuzasidan mas’ullarga tegishli topshiriqlar berildi hamda zarur huquqiy tushuntirishlar berildi.