Tanlov shartlari:

1. Madaniy uyg‘unlashuv: Korxona nomi va logotipi O‘zbekiston va Misr madaniyatlariga xos elementlarni muvofiq ravishda uyg‘unlashtirishi, o‘zaro an’analar va xalqaro hamkorlik jihatlarini qamrab olishi kerak.

2. Innovatsion yondashuv: Nomi va logotipi qishloq xo‘jaligi sektoridagi dinamika va innovatsiyalarni, ilg‘or texnologiyalarni aks ettirishi kerak.

3. Kompaniyaning yondashuvi va qarashlari: Ular kompaniyaning yondashuvi va qarashlarini ifodalashi va xalqaro e’tiborni jalb qiluvchi istiqbolli brend bo‘lishi kerak.

4. Brendning o‘ziga jalb qiluvchanligi: Nomi va logotipi bir ko‘rishda esda qolarli bo‘lishi kerak.

Logotipni tayyorlash mezonlari:

Yangi korxona nomi va logotipi uch tilda (o‘zbekcha, arabcha, inglizcha) raqamli formatda yaratilishi, har bir til bo‘yicha qisqacha tushuntirish va tavsif berilishi hamda maketli va maketsiz shaklda taqdim etilishi lozim.

Logotipning rang profili ko‘pi bilan to‘rtta rang (shaffof fonda ham qora va oq rangga aylantirilishi)dan iborat bo‘lishi;

Logotip shrifti va ranglari brend shaxsiyatiga mos kelishi;

Logotip ranglari, raqamlari va shriftlari logotip ostida qisqacha ko‘rsatilishi;

Kompaniya logotipi boshqa kompaniya logotipi yoki identifikatoriga o‘xshamasligi;

Ushbu logotip o‘lcham bo‘yicha ham hujjatga qarab ham o‘zgartirilishi;

Ushbu logotip bir nechta veb-platformalarda qo‘llanilishi va o‘zgartirishga qulay bo‘lishi;

Logotip katta yoki kichik formatlarda osongina ishlatilishi uchun yuqori sifatlikda bo‘lishi;

G‘olib deb topilgan ishtirokchining logotipini qayta ishlash, o‘lchamini o‘zgartirish va ko‘paytirishning barcha maqsadlari uchun foydalanish oson bo‘lishi zarur.

Tanlov arizalari JPEG fayl formatida yuborilishi maqsadga muvofiq.

Tanlov g‘oliblari Misr Arab Respublikasidan “Nile-sugar” kompaniyasi tomonidan tuzilgan komissiya tomonidan aniqlanadi.

Tanlov g‘oliblari quyidagi pul mukofotlariga ega bo‘ladilar:

1-o‘rin: 15 000 AQSH dollari

2-o‘rin: 10 000 AQSH dollari

3-o‘rin: 5 000 AQSH dollari

Tanlovda ishtirok etish uchun ijodiy ishlar create@nile-sugar.com elektron pochta manzili orqali muallif yoki firma haqidagi ma’lumotlar (logotip yaratuvchining to‘liq ismi, elektron pochta manzili, pochta manzili va aloqa telefon raqami) bilan birga joriy yilning 15-iyuliga qadar qabul qilinadi.

Ma’lumot uchun: O‘zbekiston Respublikasi Qishloq xo‘jaligi vazirligi va Misr Arab Respublikasining “Orascom Investment Holding” tarkibiga kiruvchi “Nile-sugar” kompaniyasi hamkorligida Jizzax viloyatining G‘allaorol tumanida qand lavlagini qayta ishlashga ixtisoslashgan qo‘shma korxona tashkil etilmoqda.

Tanlovda g‘olib deb topilgan ishtirokchining ijodiy ishi ushbu korxonaning rasmiy nomi va logotipi sifatida foydalanish uchun tanlab olinadi.

Tomonlarning huquq va majburiyatlari:

“Nile-sugar” g‘olib bo‘lgan taqdimotdan foydalanish, uni o‘zgartirish yoki tahrirlash huquqiga ega.

Tanlov ishtirokchilari tanlov arizasini topshirish orqali ularning ijod mahsuli o‘zlarining original asari ekanligini va boshqa jismoniy yoki yuridik shaxslarning intellektual mulk huquqlarini buzmasligini tasdiqlaydi.

G‘olib deb topilgan ishtirokchining ijod namunasi “Nile-sugar” kompaniyasining mulkiga aylanadi.

Agar ushbu tanlov g‘olibi tanlov qoidalarini buzganligi aniqlansa, ular sovrindan mahrum qilinishi yoki qaytarib berishi kerak bo‘ladi.

Ushbu tanlovda ishtirok etish orqali ishtirokchilar ushbu tanlov qoidalariga rioya qilishga rozilik bildiradilar.

Qoidalarning buzilishi yoki tanlov mezonlari yoki topshirish yo‘riqnomalariga rioya qilmaslik ishtirokchining muvofiqligini yo‘qotishi mumkin.

Kompaniya o‘z ixtiyoriga ko‘ra tanlov ishtirokchisini diskvalifikatsiya qilish huquqini o‘zida saqlab qoladi.

Qo‘shimcha ma’lumot uchun, email: create@nile-sugar.com